مملكه ناديه سعيد

الثلاثاء، 30 يناير 2018

عشت عمرى كله فاكره.. الكلام و الصمت حق
إن كلمة آه و حاضر .. برضو ممكن تبقى ﻷ
إن رفضى مش إهانة .. إن صوتى يكون بصدق
إنى اقاوح أو أعاند .. أو تدق كفوفى دق
عشت عمرى كله فاهمه .. اليمين غير الشمال
كل أبيض يعنى أبيض .. و السواد مفهوش جدال
كل ضحكة يعنى فرحة .. كل دمعة شايلة حزن
كل غيبة يعنى لهفة .. كل لهفة تبقى حضن
إنما دلوقتى شايفه .. كل صورة بألف وش
كل صاحب حق خايف .. و اما تشخط فيه يكش
و اكتشفت ف النهاية .. البطولة مش عظيمة
البطولة .. فيلم سيما .. و الجموع زى الفشار
اللى بيطقطق له قيمة .. و اللى فاهم مات هزار

ليست هناك تعليقات:

إرسال تعليق

۩ بِسْمِ اللَّهِ الرَّحْمَنِ الرَّحِيمِ ۩الْحَمْدُ لِلَّهِ رَبِّ الْعَالَمِينَ ۩ الرَّحْمَنِ الرَّحِيمِ ۩ مَالِكِ يَوْمِ الدِّينِ۩
إِيَّاكَ نَعْبُدُ وَإِيَّاكَ نَسْتَعِينُ ۩ اهْدِنَا الصِّرَاطَ الْمُسْتَقِيمَ ۩
صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ ۩
صدق الله العظيم
......